ग़ज़ल

2
3274

करां बी केह् समीने दा तरीका।
बड़ा औखा ऐ जीने दा तरीका।।

सभा$ मेरा ब’रीका जागतू ऐ,
करी दिख हां पतीने दा तरीका।

नकोरा चादरू लीरां मैं कित्ता,
सखोआ नेईं प सीने दा तरीका।

मेरा साकी दुहत्थी डोलदा ऐ,
मिगी औंदा नि पीने दा तरीका।

शह्तीरें गी दनां डिबकन नि दिंदा,
बड़ा भांदा मी लीने दा तरीका।

मेरे प्रीतम नै औं रुस्सां बी की नी?
उ’दा दिख तां मनीने दा तरीका।

2 COMMENTS

LEAVE A REPLY

Please enter your comment!
Please enter your name here