गज़ल

जदुएं दी उसगी मिलने दी बंदिश बी नेईं रेही
अदुएं दी उसगी मिलने दी ख़्वाहिश बी नेईं रेही ।

यादाश्त मेरी उमरी नै घटदी बी गेई मगर
चेता उऱनें’गी करने दी कोशिश बी नेईं रेही ।

एह् गल्ल होर ऐ उसी मन्नां हमेशा में
परमेसरै गी मन्नने दी बंदिश बी नेईं रेही ।

अपनी नज़र प परदा में रखदा तां की भला
उं’दी नजर च ओह्‌की जद साज़िश बी नेईं रेही।

किश ते लुआज़मात बी बदले न जीने दे
उमरी नै होने-जीने दी ज़ुंबिश बी नेईं रेही ।

मेरा सुआद गै मिगी दुनिया खलाई गेआ
मेरी अंगूरी ज़िंदगी, किशमिश बी नेईं रेही ।