नमें राड़ें च राही बीऽ, असें धरती सजाई ऐ
ऐ आया सौनै दा म्हीना,ते रुत्त गांदी सुआई ऐ।
में चंगा आं, मगर चंगा, में लब्भां, एह् नेईं भाखा
उसी मेरी इ’यै आदत ते अड़ेओ रास आई ऐ ।
बड़ा गै मोकला, उच्चा, मगर फ्ही बी बरंगा ऐ
तेरा एह गास तुंऐं रक्ख, असें धरती रंगाई ऐ ।
ऐ कक्खो-कक्ख होए दा बशक्क ऐ सारा अंदर-बाह्र
बशक्क ऐ अक्खियें झक्खड़, मेरे हत्थें सलाई ऐ ।
में मौके गी बनाइयै मील-पत्थर न घड़े रस्ते
नमीं मंज़िल बी तुप्पी ऐ, नमीं दुनिया बसाई ऐ।
नेईं किश हा ते तां बी खुश हे फाकामस्तियें इच अस
झड़ी जे खुशियें दी लग्गी, असें स्हाबी मनाई ऐ।
