दस्स, में कि'यां भुलाने ज़िंदगी दे हादसे
थे तिरे-मेरे यराने ज़िंदगी दे हादसे।
मारना आइयां मिगी निं हाड़-धोखें तारियां
पार में कि'यां टपाने ज़िंदगी दे हादसे।
मारेआ था जद कुसा ने मी कलावा घोटियै
याद मी आए पुराने ज़िंदगी दे हादसे।
हिरख-खेड्ढा हीखियें नै चार खेढां खेढियै
उम्र सारी पे नभाने ज़िंदगी दे हादसे।
नां रगें इच खून दौड़ै, नां सुआसें गर्दिशां
हून केह् अगड़े बधाने ज़िंदगी दे हादसे !
बाद मेरै पीड़-मंडी हीखियें गी बेचियै
नां कु'ने अपनै लखाने ज़िंदगी दे हादसे।
मौत सद्दी घर 'बगान्ना' पा कलावा घोटियै
करन कजिया की धङाने ज़िंदगी दे हादसे।
