1. हत्थ अजें बी निं आया जीवन
लक्ख कविता, कविता होइयै गाया
मेरे लफ़्ज़ें सकत कुत्थै इन्नी
मीं भाव नरोल कदूँ भाक्खे
ते फितरत जिसदी पतेआना
एह् मन मेरा, मेरा गै दोक्खी
अंदर बैतल घट्ट झाँकदा
खिट्टै पेदा तांईं-तोआंईं
मंजिल मेरी छप्पी गुज्झी
संगी साथी अत्त संदोखी
तारु बी में कच्ची साथी
में उत्त पार कि’यां करी जाना।
2. इक ज़ब्त दी दीवार ही दोनें दे दरमेआन
भरियै कलाबै ज़िन्दगी गी में गै रोई ही
बडलै दी सजरी लौऽ ही जां स’झै दी लालगी
जि’न्नी क मेरी सकत ही गीतें परोई ही
मैह्रमै दी मैह्रमी कैसी बुहासरां
पीड़ें भरी परात गै, सगात थ्होई ही।
——————————————-
