तेरा बेह्‌ड़ा

तेरे बेह्‌ड़े दी
फुल्ली दर्‌हैंक, माए
डु’ल्ली खश्बो माए

मेरी जिंदड़िये
मेरी अम्बड़िये
कु’त्थै तूं?
दर्‌हैंकै नै करी घमाई
छम्म -छम्म  रोई ।

अंबै गी पेआ बूर, बाबला
कैंह् होआ दूर, बाबला
अंबै  ने पलमोई
बाबल, रज्जियै रोई।

मोतिया खिड़ेआ तेरे बेह्‌ड़ै, बीरा
बसदा र'वै तेरा खेड़ा, बीरा
तूं मेरे पिछलें दी नशानी
जुग-जुग जियै  भाबो रानी
दिक्खां तेरी राह्, बीरा
तूं मेरे साह्, बीरा।

अंबडी जेहा निं कोई
बूह्‌टें गी कलावे मारी
रज्जियै रोई।