नुक्करां

रंबा बी पैन्ना
पंजाली बी टिच्च
ढग्गे बी नरोए
हाली बी तगड़ा
हल्ल बांह्‌दे होई
क्यारें दियां नुक्करां
बिन बुढ़े रेही जंदियां न
फ्ही बी
तां केही कन्नै गुड्डियै
रलाइयां जंदियां न
पैली च

इ'यां गै
किश नुक्करां
छुड़की जंदियां न अक्सर
सिरजना पैली दियां बी
कल्पना दी हल्लै थमां
फ्ही उद्दमें दी केही नै
गुड्डियै हीलें
रलाने पौंदियां न
उग्गना
उस्सरना
मठोना
ते पैली च जाई रलना
समें दे हत्थ गै होंदा ऐ।

पैली 
भामें सूक्ष्म होऐ जां स्थूल
प्रयास जारी रौह्‌ने चाहिदे।