मुल्ल--
बचपना परतियै जी लैचै
मनै दी गंढ खोह्ल्ली लैचै
बे-इल्मी बी कदें नंद ऐ
इस नासमझी दा अमरत पी लैचै।
केह्ड़ी तितली कु’त्थुआं आई
केह्ड़े फुल्ल दा रस्स गी मनभाई
केह्ड़े रंगें दा लग्गा मेला
केह्ड़ी खशबो कन्नै लेई आई।
केह्ड़ी बेल कु’त्थआं तकर लपटोई
केह्ड़ी शाख नमीं निकली
केह्ड़े बूह्टे उप्पर केह्ड़ा फल आया
कोह्दी गल्ल कु’त्थै मकोई।
केह्ड़ा पैंछी कु’त्थुआं आया
कोह्दे प्यार दा तोह्फा आह्नेआ
केह्ड़ा पक्खरु कु’त्थै चैह्केआ
कु’न्न बनाया समां सोहामां।
पन्छानू पां दा लुआर
कोयल दी कूक मजेदार
पन्छानू मान-मुल्ल इच जी लैचै
नासमझी दा अमरत पी लैचै।
------------------------
