की घमंडी बुक्कल मारैं? केह् ऐ तेरा सोच-बचारैं। आई खड़ोता जित्थै अज्ज तूं पैह्लें उत्थै केईं खडारे। समें दा एह् पेहिया चलदा केईं बगाड़े केईं सुआरे। गौरी गजनी गे-गुआचे अपनी की निं खैर बचारैं? माया औंदे अ'न्ना करदी दसदी सारे रंग-नजारे। की भलेखे पेइयै इसदे कंध घमंडी नज़रैं चाढ़ैं? जंदी माया नंगा करदी जिस्मै लग्गे बी तुआरै। आकड़ करना मुर्दा बनदा झुकियै सारे कम्म सुआरे। अज्ज तां मिट्टियै उप्पर चलदा कल्ल गै इसदे बिच्च खलारे।
OUR AUTHORS
