भागें दे न खेढ न्यारे
कुल्ले, कुतें उच्चे मनारे
फसल करमें पकनी ऐ
जिंद बस चार ध्याड़े।
कनेई ब्हा झुल्ली ऐ
हिरख-प्रेम गेदा भुल्ली ऐ
भुल्लै करना कम्म-कारे
भागें दे खेढ न्यारे।
बैरी माह्नू भ्राऽ- भ्राऽ दा
रेहा निं कुसै डर-त्राह् दा
रक्खै म्हेशां तीर कमानै चाढ़ै
भागें दे न खेढ न्यारे।
कोसै किस्मतै गी बार-बार
समझै निं जीवनै दी सार
तुप्पना म्हेशां दिनै गै तारे
भागें दे न खेढ न्यारे ।
लाऽ प्रीत परम-परमात्मा कन्नै
जि’यां ही भक्त जट्टै - धन्नै
छड भुट्टैं दे तूं झूठे लारे
भागें दे न खेढ न्यारे ।
टुर निं फरैंतें साहीं ताईं-तुआईं
करै कर कम्म-काज चाहीं-चाहीं
जाऽ लगी जाऽ कोई कम्म-कारे
भागें दे न खेढ न्यारे
कुल्ले कुतै उत्थै मनारे।
——————-
