मार

समें दी कनेही मार पेई ऐ
पुज्जी गे आं केह्‌ड़े दौर च
ड्‌योढी टपदे गै लगदा लग्गन डर
चलन लगदा ऐ
भैऽ दा छौरा कन्नो-कन्नी
शकलां बझोदियां न 
क-शकलां
की जे मानवता बी बंडोई गेई ऐ रंगें च
इक- दुए गी भंडै दी
डंगै दी ऐ सभनें गी,
शक्ति-समर्थ बनी गे हैवान
तुंबै-पिंजै दे न 
लहु-लुहान होई दी 
सैह्‌कै दी इन्सानियत।

बिल्ल-पतौड़ी बनी हांबै दी कंढे गी 
कंबै दी 
जे कड्ढै कोई इस खोब्भे चा 
लेई जा 
धर्में-रंगें दी भाशा नेईं जित्थै बि’लै 
उत्थै रंगोई जां
समता दी डोरी च होई जां बज्झी
बनी जाऽ इन्सान।