रुक्खें इच रुक्ख, पिप्पल दा रुक्ख
कुदरती पत्तर-झाड़ दी बंड-त्रुट्ट
लोक-पूजन, बंदगी, ईश्वरी नियामत
सै पिप्पल सदियें शा तेरी पूजा अनत्रुट!
तेरे इच नेईं दनां लाग-लपेट
अपनी छाया इच मिगी बी समेट
अदेहा गै तेरा रक्खन-रखान
मेरे इच किस्सी इन्ना बदलाऽ बरेस?
तेरे बड़प्पन इच बड्डी औंदी
तेरी छां हत्थें इच हत्थ थ’म्मी
गुड्डे-गुड्डी दी पींघ लुआरा भरनीं
बचपन दे पिप्पल कोल परतोन्नीं।
बगैर दस्से दनां बे-चैनी
नेईं गै कोई परेशानी
अंधी-झक्खड़-तफान झल्लना
सारी पीपनी दी कारस्तानी।
तूं मेरे बचपन दा गुआह्
चुप्प-चनक खड़मस्त फलाऽ
अजें-बी उ’आं गै उ’आं
मेरे इच बदलाऽ कि’यां-कि’यां।
-----------------------
