सफे

सफर मेरा लौह्‌का ऐ 
मी दिक्खी ओह् बझालदे
सफे मेरी जिंदगी दे
मी हांबी-हांबी आखदे। 

दूर तेरा पैंडा ऐ
की दित्ती लम्मी तान ऐ? 
अद्धै पुज्जी आई तूं 
एह् निं तेरा ज्हान ऐ। 

छोड़ एह्‌दा खैड़ा, मड़िये
गल्ल ना एह् बात ऐ।
च'ऊं दिनै दे सुखने मगरा
मुक्कनी एह्‌की रात ऐ। 

सफे कोरे दस्सै करदे
कोरी मेरी कारी ऐ।
कलमै मेरी कि'यां चलना
स्याही सुक्की मारी ऐ।

मूलै आह्‌ली गल्ल भुल्ली
ना औंदा दिलै चैन ऐ  
तुप्पी-तुप्पी अ'ऊं हुट्टी
रोंदे मेरे नैन ऐ ।