गास होआ बदलोखा अज्ज, की रोंदी धरत नमानी
मन माल्ली दै चुप्पी पैह्रे, छाई गेई बाग वरानी ।
कु’त्थै , कि’यां सांभां, तेरे अत्थरूं प्रीत नशानी
धर्मै बज्झा बाबल रोंदा, चंदरी रीत परानी।
कूंज बिछड़ी साथै शा, रोई-रोई करै घमाइयां
दिन सोहामें चेतै करियै, छम-छम रोन भरजाइयां
गुज्झे-गुज्झे बीर डुसके,छाती चुब्भन सलाइयां
खेढन खुशियां अंगनै तेरै, चली सुरगा आइयां।
डोली बैठी, अन्न-जल मुक्का,आखै रोई-रोई
धी परदेसन होई तेरी, में परदेसन होई
जिन्ना कीता लाड-प्यार तूं,होर निं करदा कोई
चेते माल-खजान्ना तुं’दा,मालो-माल में होई ।
