इश्क समुंदर

इश्क समुंदर जात ऐ सांझी 
दौनें आपमुहारे 
खुल्ले-डुल्ले मस्त मलंग 
ठा-ठा ठाठां मारे 
इक समाए नदियां नाड़ू 
मैले थिंदे नाले 
इक समाए जातां-पातां 
रूप धरम दे जाले 
इक निं बज्जदा रीतें रस्में 
भनदा सब्भै तंदां 
इक निं बज्जदा गारे मिट्टी 
मनदा नेईं कंधां 
दौनें बड़े गै बेफिक्रे  
दौनें बेपरवाह 
अपना-आप लटाइयै 
आपूं गै लैंदे मजा
जेह्का दौनें डुब्बेआ डूंह्गे 
उ'यै समझो तरेआ 
उ' न्न गै लुट्टे मणियां हीरे 
उ'यै पौढ़ी चढ़ेआ। 
———————