ऐब बड़े न ओह्दे इच
बाह्मां चुक्की-चुक्की आखदा।
झांकी मारै जे कदें इक
लग्गै पता कि'यां स्हारदा।
झूठी चादर, चारै चूह्कां झूठियां
पतासे झूठै आह्ले बारदा।
बल्लै-बल्लै इत्थै होई जा
किन्नी मक्खियां फिरै डुआरदा।
ऐब बड़े न ओह्दे इच
बाह्मां चुक्की-चुक्की आखदा।
स्हाब रक्खै इक बी एह्
सिद्धा तीर गासै मारदा।
ड़ूंह्ग नापै उस तीरै दी
जाई गासै गत्त गाडदा।
ऐब बड़े न ओह्दे इच
बाह्मां चुक्की-चुक्की आखदा।
द'ऊं अक्खें जे निं लब्भै
की निं त्री तूं ठुआलदा?
दुएं दे तूं बड़े गिनैं
की निं अपने सधारदा?
ऐब बड़े न ओह्दे इच
बाह्मां चुक्की-चुक्की आखदा।
