कर्मशील, उंगली निं चुकदे, कम्म करदे न
गर्जदे निं कसूर कड्ढी-कड्ढियै, ओह् ब’रदे न
ब’रे बिन रेही निं सकदे कदें बी भरोचे दे
हल्के ते ब्हाऊ दे फंडाकें कोला डरदे न ।
जे करी निं सकेआ किश तूं तां तरकीब लाई लै
ढाल दुएं दी कमियें दी तूं सज्जना बनाई लै
फ्ही कुसै ने करियै वार तेरा केह् बगाड़ना
गुड्डी नकम्मेपन दी तूं सज्जना चढ़ाई लै ।
करने ई बथ्हेरे लोक न, तूं कर निं भाएं कक्ख
कोई करै दा ऐ केह्, छड़ा इन्ना तूं स्हाब रक्ख
कोऽ-कोऽ करियै बलाङन तुगी, फसे दे पूजङन
जाई सकदे निं कुतै बी जिन्ने चिर सराध पक्ख ।
किश करने दी समर्था जे नेईं तेरी, सज्जना
तां बी बौह् नेईं तूं ढाइयै ढेरी, सज्जना
किश कर खुराफात गल्ल नेही कोई चबात
मिलै सुरै नै फ्ही सुर तेरा-मेरा, सज्जना ।
