आ किश गल्लां करचै
खरे समें गी चेता करचै
जदूं घैंटे पलें इच बीते
खुशियें दे चेतें इच जीचै।
जदूं हर कोई अपना लगदा
पराया अक्खर बगान्ना लगदा
केह्ड़ा देस, कु’त्थुआं दा बासी
कु’दे थमां किन्ना हिरख मिलदा।
केह्ड़ी बेल कु’त्थुं तकर पुज्जी
केह्ड़ी नौईं शाखा निकली
कुस्स रुक्खै केह्ड़ा फल आया
कु’दी खशबो किन्नी मनभाई।
केह्ड़ा फुल्ल कु’त्थै खिड़ेआ
कोह्दा दिल कोह्दे कन्नै मिलेआ
कुस लफड़े दा केह् झमेला
केह्ड़ा रंग कोह्दे इच रलेआ।
कु’न्न बनाई रौंगली तस्वीर
कु’न्न जगाई कोह्दी तकदीर
सीस बनाऽ बड़-भागन, भागला
कु’न्न खिच्ची हत्थें दी लकीर।
----------------------------
