कोरे हे जेह्ड़े कोरे रेह् कैसी काया करदी ऐ
पढ़े-लिखे दे मानतां करदे कन्नै दिंदे अरजी ऐ
केह् आखां तूई अ’ऊं परमेशर कैसी तेरी मरजी ऐ।
कोरे हे जेह्ड़े कोरे-चिट्टे मल्ली कुर्सी बैठे दे
डीसी डीजी करन सलामां हर बेल्लै रौंह्दे सैह्के दे
कोरें दी एह् शान नराली कैसी चिट्टी इं’दी बरदी ऐ
केह् आखां तूई अ’ऊं परमेशर कैसी तेरी मरजी ऐ।
चिट्टे भोले बगले बनियै दुनियां गी एह् लुट्टा दे
निक्के-मुट्टे सब्भै दिक्खो इक्कै रस्सै जुट्टा दे
कोरे चिट्टे कपड़े लांदे चिट्टी गड्डी झूठा दे
कोरे गै एह् भाशन दिंदे बिल्ल बनांदे फर्जी ऐ
केह् आखां तूई अ’ऊं परमेशर कैसी तेरी मरजी ऐ।
कोई बचारी बिपदा मारी गल्लां इं’दी जरदी ऐ
पढ़े-लिखे दे खज्जल होन थाएं-थाएं दिक्खो बज्जा दे
इं’दे कोरे चिट्टे लट्ठे मलमल बनियै सज्जा दे
पैसे खाइयै दस्सदे अक्खां कैसी न्हेरागर्दी ऐ
केह् आखां तूई अ’ऊं परमेशर कैसी तेरी मरजी ऐ।
—————————————————————
