क्हानी

. 
इक्क यार दी मारी, दूआ उमर ऐ ञ्यानी 
केह्‌ड़ा  रोग लाई बैठी,पल्लै पौऐ नेईं क्हानी।

मिगी किश निं सज्झोऐ, ना गै अपना बझोऐ 
भुल्ली राह् निं थम्होऐ,मिगी मिलै एह् सनानी ।

अक्खां उस्सै लेई रक्खां, भांए बसदे न लक्खां
दित्ता उसदा गै चक्खां, सुक्का नाडू मंगै पानी।

केह्‌ड़ा रंग चढ़ी आया, जेह्‌ड़ा उ’ल्लै निं लुहाया
जिस्सी दिक्खी मनै आया, चुन्नी इ'यै ऐ रंगानी।

क्हानी बड़ी ऐ परानी, गुंझलै पाई जिन्नै तानी
नेइयों अग्गै एह् टरानी, एह्‌की इत्थै गै मकानी।