ख्याली डोआर

तारें-सतारें दे परें दी दुनिया गी
दिक्खने दी ललक
कदें-कदें ख्याली डोआर
ऐसी थांऽ लेई औंदी ऐ
जित्थै पुज्जी
मन बसमेव पुच्छदा ऐ
जे पन्छानू-बाकफ गी
कुतै पिच्छें छोड़दे 
एह् केह्ड़ी जगह् ऐ
जित्थै 
शमानै दी बशाल झोल्ली ऐ
हर बेल्लै नमीं गै नमीं ऐ
मस्त करदी ब्ह ऐ 
मता गै अजब समां ऐ
कनेहा पवित्तर थाह्र ऐ
हिरख-प्रेम दा नवास ऐ
इक-दूए कन्नै सनेह-लगाऽ ऐ
मन दा जकीन ऐ
जे ख्याली डोआर गी 
सच्च कन्नै आमनै-सामनै औंदे गै
ऐसी दुनिया कदें लब्भी बी जन्दी ऐ।
 ——————————————