गज़ल

पीऐ शराब आया नां चैन नां खुमारी
उ’आं ते उमर बीती एह् मैकदे च सारी।

ढक्की नकाब चेह्‌रा जिन्ना छपैलेआ तूं
भड़की ही दीद ताईं उन्नी गै बेकरारी ।

लैना में जनम इक दिन मरने परैंत्त मुड़ियै
कब्रा च इक्क इ’यै ही खौफ दी बदारी ।

दुनिया च ज्हालतें दे मुकदे निं गुप्प न्हेरे
भाएं मसाह्‌रे बाली चलदे न हारी-सारी ।

कम्मै दे यार मेरे, मेरै निं कम्म आए
जिं’दे शा मेद मी ही, करङन गमखुआरी ।

गलेआ में अंदर-अंदर, घुलेआ में बाह्‌रें-बाह्‌रें
रक्खी ही कुसने आइयै इस छातिया चंगारी ।