गज़ल

ज़िंदगी दा हिरन बी नचदा-नचांदा गै रेहा
हिरखै दी कस्तूरियां बंडदा-बंडादा गै रेहा ।

ओह्‌ने अपने कौल गी हर चाल्ली बरती गै लेआ 
में मगर अपने भरोसे गी कमांदा गै रेहा ।

जो भरम पाले हे,उम री कन्नै दूर होए मगर 
मैह्‌ल में ताह्‌म्मी ख़यालें इच बनांदा गै रेहा ।

फंघ बी लगदे गे ते गास बी गांह्‌दा रेहा 
खाइशें दे सब कबूतर में डुआंदा गै रेहा ।

बीते दिन ते सुखने होई गे रात सच्च हुंदी गयी 
रात इच बी में थकेमें, पर लुहांदा गै रेहा ।