गज़ल

0
1
दुखें जदूं दा डेरा लाया
सूरज अपना आप बनाया।

मेरी पूजा-इबादत तु’ऐं
साह्-साह् तेरै नांऽ लखाया ।

मारो, इसगी चुप्प कराओ
इसने भलेआं सच्च सनाया।

किश ते खिचड़ी पक्की होनी
इल्जाम निं पैंचैं झूठा लाया ।

इस शैह्‌रै दा अमन गोआचा
जदूं रैह्‌बर ने फेरा पाया ।

सारे दोश न मेरे मत्थै
इक निं तुं’दे जिम्मै लाया ।

तफान बिंबलेआ अंदर ‘दोषी’
शांत समुंदर नजरी आया ।

LEAVE A REPLY

Please enter your comment!
Please enter your name here