गीत

सौनै देआ कालेआ बद्दला
घर साढ़ै बी आई जायां
में तपदी जन इक बरेती
आइयै ठंडां पाई जायां।

अंदर मेरा खाल्ली उक्का
मते चिरै दा तू नेईं ढुक्का
कनियां चार बरहाई जायां।
में तपदी जन इक बरेती
आइयै ठंडां पाई जायां।

चाs मेरे सब हिस्सी गेदे
चेते मासा म्हिस्सी गेदे
हिरखै पौंगर पाई जायां।
में तपदी जन इक बरेती
आइयै ठंडां पाई जायां।

चार-चफेरै ब'रदा रौह्‌न्नां
किन-मिन किन-मिन करदा रौह्‌न्नां
आइयै भाग जगाई जायां।
में तपदी जन इक बरेती
आइयै ठंडां पाई जायां।
------------------------------