ब्याहें घरें दे ओह् शक्करबारे
मिट्ठे खंड ते संतरी ओह् सारे
ब्याहें घरें दे ओह् शक्करबारे
मिट्ठे खंड ते संतरी ओह् सारे
जीह्बा लग्गै ओह् सोआद शक्करबारें दा
पौंगरी औंदा ओह् प्यार शक्करबारें दा ।
भरियै डब्बे दिंदे ओह् सारै
खुशियां नच्चन घर-घर ओह् सारै
सभनें दी जीह्बा सोआद शक्करबारें दा
सभनें दी जीह्बा सोआद शक्करबारें दा
पौंगरी औंदा ओह् प्यार शक्करेवारें दा ।
जिस बेल्लै ओह् मिलनी करोआन्नें
शक्करबारें फ्ही जीह्बा ओह् टकान्नें
लगदे गलें ओह् प्यार शक्करबारें दा
पौंगरी औंदा प्यार शक्करेबारें दा ।
कुड़म घरें-घरें जेल्लै ओह् जान
खुशियां बंडियै ओह् हिरख बसान
लैंदे खूब सोआद शक्करबारें दा
लैंदे खूब ओह् सोआद शक्करबारें दा
कुंगला हिरख बेहिसाब शक्करबारें दा।
कुड़म-घरै दे ओह् शक्करबारे
पुल्ले ‘कुंडरिया’ बी खाद्धे ओह् सारे
पौंगरी औंदा ओह् प्यार शक्करबारें दा
लग्गेआ मता ओह् सोआद शक्करबारें दा
पौंगरी औंदा ओह् प्यार शक्करेवारें दा ।
