ओह् पंछी कु’त्थै गे मेरी जान
पंछी कु’त्थै गे मेरी जान?
लाइयै फंघरू उड्डी जां
दिक्खी आवां समान
ओह् पंछी कु’त्थै गे मेरी जान?
तारें पुच्छेआ, प्हाड़ें पुच्छेआ
पुच्छेआ सारा ज्हान
ओह् पंछी कु’त्थै गे मेरी जान ?
कल-कल करदा नाड़ू दा पानी
नुआढ़ी वाजा दी पछान
ओह् पंछी कु’त्थै गे मेरी जान?
दिनैं-राती उस्सी लभदा
हर बेल्लै ऐ बखान
ओह् पंछी कु’त्थै गे मेरी जान ?
रुक्ख बी सुक्के, फुल्ल बी सुक्के
सुक्की गेई मेरी जान
ओह् पंछी कु’त्थै गे मेरी जान ?
तारें दी बलदी लोई मैं तुप्पां
तुप्पा दा मैं नादान
ओह् पंछी कु’त्थै गे मेरी जान ?
प्हाड़ैं तुप्पेआ, जंगलैं तुप्पेआ
तुप्पेआ सारा मदान
ओह् पंछी कु’त्थै गे मेरी जान?
लाइयै फंघरू उड्डी जां
दिक्खी आवां समान
ओह् पंछी कु’त्थै गे मेरी जान ?
