गीत

आई पौंगरा दी ब्हार
खिड़े फुल्ल बेशुमार
मन सद्धरां जगाऽ दे
भाव कूले मनै आह्‌ले खुशियां मनाऽ दे।

ब्हाऊ दे फनूके मेरे बेह्‌ड़े गी शंगारै दे
इत्तरें सुगंधियें दे खूब छट्टे मारै दे
लौरे कश्बोइयें दे मिट्ठे गीत गा दे।

पौंगरा दी ब्हार नमीं हीखियें दी ब्हार ऐ
इस ब्हारै कीत्ता मेरे गीतें दा शंगार ऐ
अनसंभे आनी कन्नें साज बजाऽ दे। 

भौरें दियें जीह्‌बें पर फुल्लें दी मठास ऐ
उं’दे गित्तै ‘किप्पी’ एह्‌की रुत्त मती खास ऐ
चाएं-चाएं खिट्टां देई चूंबे न लेआ दे।