उप्परा लगदियां खरी सूरतां, अंदर पली कटारी ऐ
सुच्चा हिरख कुतै नेईं लभदा, रेही गेई लोकाचारी ऐ
उप्परा लगदियां खरी सूरतां, अंदर पली कटारी ऐ।
अज्ज दुआसी हर चेहरे प, दूरा दिखदे लभदी ऐ
मनै च जे खोट होऐ, झूठी मुस्कान नेईं फबदी ऐ
फुल्लें दी थां दिलें अंदर, उग्गी पेई कंडेआरी ऐ
सुच्चा हिरख कुतै नेईं लभदा, रेही गेई लोकाचारी ऐ।
लोड़ कुस्सी नबज पन्छानै हिरखै दे अरमानै दी
हिरख नेईं पूरा मिलदा, दिक्खी लेआ जमाने गी
लभदी नेईं दुनिया अंदर, कोई जिगरी यारी ऐ।
सुच्चा हिरख कुतै नेईं लभदा,रेही गेई लोकाचारी ऐ।
पता होंदा हिरखै दी बत्ता, पैर कदें पुटदे नेईं
एह् बे-जोड़ दिलें दे शीशे, सौखे जेह् त्रुटदे नेईं
रेही गेई सब ख्याली गल्लां, कनेही निग्गोसारी ऐ
सुच्चा हिरख कुतै नेईं लभदा, रेही गेई लोकाचारी ऐ।
उप्परा लगदियां खरी सूरतां, अंदर पली कटारी ऐ।
