मानता दिवस दे जशन मनाचै
उं’दे सिरें पर सेह्रे बनाचै
होऐ खूब शंगार, फुल्ल एह् हसदे रौह्न
इं’दे गलें इच हार म्हेशा सजदे रौह्न
इस बागै इच बीs खलारी
हिरखी उगाई ऐ क्यारी-क्यारी
उ’नेंगी सदा सलाम बूह्टे रसदे रौह्न
इं’दे गलें इच हार म्हेशा सजदे रौह्न
होऐ खूब शंगार, फुल्ल एह् हसदे रौह्न।
जि’नें ओ साढ़े भाग जगाए
हिरखै गुंदी झंडे ओ चढ़ाए
रंग एह् बेशमार हर घर फबदे रौह्न
होऐ खूब शंगार, फुल्ल एह् हसदे रौह्न
इं’दे गलें इच हार म्हेशा सजदे रौह्न।
डोगरी दा जि’नें बाग लोआया
भरी-भरोची फुल्लें नै चमकाया
दो जां त्रै गी सलाम, लाटूं जगदे रौह्न
इं’दे गलें इच हार म्हेशा सजदे रौह्न
होऐ खूब शंगार, फुल्ल एह् हसदे रौह्न ।
मानता दिवस दी ऐ एह् नशानी
जि’नें बी दित्ती ऐ कुरबानी
होंदी र’वै एह् शान, गलैं मिलदे रौह्न
इं’दे गलें इच हार म्हेशा सजदे रौह्न ।
‘कुंडरियै’ घर-घर चौकड़ी लानी
सांभी रखचै मिली एह् नशानी
करचै सांभ-सम्हाल, हीरे जगदे रौह्न
इं’दे गलें इच हार म्हेशा सजदे रौह्न
होऐ खूब शंगार, फुल्ल एह् हसदे रौह्न
मानता दिवस दे जशन मनाचै
उं’दे सिरें पर सेह्रे बनाचै
होऐ खूब शंगार, फुल्ल एह् हसदे रौह्न
इं’दे गलें इच हार म्हेशा सजदे रौह्न
………………………………………………………..
Abdul Qadir Kundria
