गीत

मड़ी चाननी चनैन
एह कोई लगदी शदैन
चेते बिसरे लेई आई
साढ़ा लुट्टी लेई गेई चैन। 

जागी पीड़ फ्ही परानी
अक्खीं ब'री आया पानी
चौरै वेल्लै लग्गी रौह्ंदी झड़ी दिन-रैन
साढ़ा लुट्टी लेई गेई चैन। 

कि’यां भुल्लनी कोई सल्ल
अजें तौली-तौली गल्ल
कि’यां करनी ऐ मरी-मरी सैह्न
साढ़ा लुट्टी लेई गेई  चैन। 

होई-बीती दी में क्हानी
नेईं तूं छेह्ड़ ऐमें जानी
'पूरण' पाना की मुड़ियै बछैन
साढ़ा लुट्टी लेई गेई चैन। 
————————