दुनिया गी सिद्धी बत्ता पायां, मेरे दातेआ
चरणें च अपने तू लायां, मेरे दातेआ
करै तेरी बंदगी ते र'वै तुगी पूजदा
भरमें ते बैह्में गी मटायां, मेरे दातेआ ।
भगती दी भावना बी मनै इच्च वास करै
झूठ ते दखावा छोड़ी सच्ची अरदास करै
भगती दखावे दी छड़ायां, मेरे दातेआ ।
करै निं चलाकियां ते साथ देऐ सच्च दा
माड़े कम्में कोला ‘किप्पी’ र'वै सदा बचदा
काम, क्रोध, लोभै शा बचायां, मेरे दातेआ ।
खंडें-ब्रह्मडें दा ओह मालक खोआंदा ऐ
बंदा जेह्ड़ा सच्चै मनां तेरा नांऽ ध्यांदा ऐ
अनहद नाद बी सनायां, मेरे दातेआ।
………………………………………
