गीत

बंडो हिरख प्यार, दो दिन ज़िंदगी दे
तज्जो बुरे बचार, दो दिन ज़िंदगी दे।

अज्ज ऐ बजूद तेरा, कल्ल नेईं रौह्‌ना ऐ
धरती प बन्दा किश दिनें दा परौह्‌ना ऐ
करेओ निं हंकार, दो दिन ज़िंदगी दे।

हिरख प्यार कि'यां औना इस मनै च
नफरत जैह्‌र जे भरोची बिस्स मनै च
सु’ट्टो इसगी बाह्‌र,दो दिन ज़िंदगी दे।

मिट्टी दा एह् बुत्त ‘किप्पी’ मिट्टी च समाना ऐ
आत्मा दा फेर इत्थै कोई निं ठकाना ऐ
उड्डरी जाना पार,  दिन ज़िंदगी दे।