आओ साथियो सारे मिलियै डुग्गर दे गुण गाचे
ज्योत जगी रबै डुग्गर दी अस अपना हिस्सा पाचै
आओ साथियो सारे मिलियै डुग्गर दे गुण गाचे।
दिया तेल बनी जाओ बात्ती घर-घर लोऽ पजाचे
पुरखे खिची लकीरें दी सुन्दर तस्वीर बनाचे
आओ साथियो सारे मिलियै डुग्गर दे गुण गाचे।
कर्म धर्म अस सारे करचे सब गी गले लगाचे
मन्दिर, मस्जिद, गुरुद्वारे अस सारे शीश निवाचे
आओ साथियो सारे मिलियै डुग्गर दे गुण गाचे।
फुल्ल मोतिये चम्बे दी अस एक लड़ी बनी जाचै
देसा पर कुर्बान होए जो उन्दियां गाथा गाचे
आओ साथियो सारे मिलियै डुग्गर दे गुण गाचे।
बे इन्साफी होन नी देचे अपना धर्म नबाचे
जो करस्ते जादे बच्चे उ’नें गी रस्ते पाचे
आओ साथियो सारे मिलियै डुग्गर दे गुण गाचे।
जै भारत, जै भारत माता दे नारे अस लाचे
मर्कज दे विच बैठे जेड़े उं’दा साथ निभाचे
आओ साथियो सारे मिलिये डुग्गर दे गुण गाचे।
———————————————————
