अ’ऊं चराग न्हेरे दा
मैह्फलें च बलदा रेहा
टिमटिमांदी ही लोऽ मेरी
ब्हाऊ दे फनाकें कन्नै
फ्ही बी दिन-रातीं दुएं दी
खातर जलदा रेहा
कदें तफानें दी मार झल्ली
हिसली-हिसली बी लोऽ
सभनें गी दिंदा रेहा
पर दिक्खी अपने थ’ल्ले
न्हेरे दी चादर
मनै च झुरदा रेहा
अ’ऊं चराग न्हेरे
दी मैह्फलें च जलदा रेहा,
हून पुच्छना अपने आपै गी
'केह् ऐ पंछान मेरी'
तेल ते बत्ती एह् जान मेरी
जदूं तगर बत्ती जलदी रौह्ग तां
मेरी लोड़ सभनें गी पौनी
नेईं तां इत्थै लोड़ मेरी
कुसैगी गी निं होनी
अ’ऊं चराग न्हेरे दा
मैह्फलें च बलदा रेहा
तफानी रातें च बी
दुएं दी खातर जलदा रेहा।
————————————-
