चल हून घरै गी परतोचै।
मता फिरी लैता जुआन जागतें-कुड़ियें च
हू्न बुड्ढे-लट्ठे बचपनै च बसोई लैचै
चल हू्न घरै गी परतोचै।
पुच्छने आह्लें गी पुच्छन दे
आखने आह्लें गी आखन दे
आलू-कचालू पुत्तर कु’त्थै गे हे
बाबा जी दी टोकरी च खेला दे हे।
त्रक्कड़ी च कदें तुलै करदे हे
ते कदें त्रक्कड़ी फड़ी तोला दे हे
सेर सवा सेर दा ब’ट्टा बनी
बजन बधा दे ते कदें घटा दे हे।
डाक्टर-डाक्टर मरीज-मरीज खेलदे-खेलदे
शीशे अग्गै खड़ोई फब्बै करदे
ते कदें शीशा दिक्खियै मुंह् बनाऽ दे हे
चल हू्न घरै गी परतोचै।
पुच्छने आह्लें गी पुच्छन दे
आलू-कचालू पुत्तर कु’त्थै गे हे
मरजी उं’दी मन्नना ऐ ते मन्नन
बाबा जी दी टोकरी च खेला दे हे।
