जम्मू

कश्मीर-- 

मेरा जम्मू ते कश्मीर
उच्चे पर्वत मिट्ठड़े नीर
लांदे सभनें नै प्रीत
गान रलियै सब एह् गीत
मेरा जम्मू ते कश्मीर। 

बगदी त’वी बिच्च बश्कार
दिंदी माता शीरबाद
रौनक़ हर ‘लै मां-दरबार 
गूंजदे जैकारे चौरै-पैह्‌र
मेरा जम्मू ते कश्मीर....। 

डोगरी भाशा इसदी शान
तुर्लैं-पग्गां डोगरे लान
राखे इसदे सीह्-जुआन
भाखां उच्चियां-उच्चियां गान
मेरा जम्मू ते कश्मीर....।

जोधे डीडो ने अलख जगाई
ठैह्‌रै इत्थै निं दुश्मन आई 
मिलियै रौंह्‌दे भाई-भाई
हिंदू, मुस्लम, सिक्ख,ईसाई
मेरा जम्मू ते कश्मीर.....।