तेरी मनमानियां सुनां, तेरे नै जिद्दां करां
तुगी खूब नखारां
बस्स, इन्नियां घड़ियां ज़िंदगी देई देऐ मिगी ।
तेरे मनै दी तत्ती रेतै च
खबरै किन्नियां कोरजां न
मिट्ठियां ते ठंडियां
जि’नेंगी उज्जन निं दित्ता
इस दुनिया ने ।
पता नेईं किन्ने भांबड़ बला करदे न
तेरे अंदर
दिन-रात
किन्ना गरल पिया करना ऐं तूं
एह् अत्थरुएं दियां सेजलां
तुगी बलन बी नेईं दिंदियां
बस्स, धुखा करना ऐं तूं
केईं ब’रें शा
इस धुआंखड़ै च उतरियै
भुब्बली दे ढेरा दे अंदर धुखदे ङार
उत्थै तगर पुज्जी जां जेकर अऊं
तां खबरै मेरा होना बी
सफल होई जाऽ
बस, इल्तजाऽ ऐ
जे जिंदगी इन्नियां घड़ियां देई देऐ मिगी ।
