डोगरी

आओ, रलियै बधाचै डोगरी
 सिरे दा ताज बनाचै डोगरी। 

सारे मिलियै गल्ल करचै 
गल्लेँ कन्नै समझाचै डोगरी।

लिखी-पढियै इसगी अग्गै लेचै
 अक्खरें च शैल सजाचै डोगरी।

 अक्खीं दा तारा रखचै मन्नियै
अक्खियें च बसाचै डोगरी। 

स्कूलें च पढाचै डोगरी
बच्चें गी बी सखाचै डोगरी। 

साहित्य दी प्यारी डोगरी
सम्मान दी अधिकारी डोगरी। 

बोलदे नेईं शरमाचै डोगरी
 दिलै कन्नै चाह्‌चै डोगरी। 

जम्मू दी शान डोगरी 
डोगरे दी पन्छान डोगरी।