लिपियें चा लौह्की जेही होई लिपि
राजें दे जेह्ड़ी हत्थें घड़ी
सुन्ने दे ओह् रथे चढ़ी
ज्ञान दी एह् देवी जेह्ड़ी
मिट्ठड़ी ओह् डोगरी खुआई लिपि
लिपियें चा लौह्की जेही होई लिपि।
बरेस चा लोह्की ही जेह्ड़ी
सोचां चा ओह् ही बड्डी बड़ी
जम्मू दे संविधान गी रचने आह्ली
सभ्यता गी पोथियें चा ढकने आह्ली
सूबा गी डोगरी शिक्षा बढ़ाने आह्ली
गुलामी चा डुग्गरें गी पन्छान दुआन आह्ली
लिपियें चा लौह्की जेही होई लिपि।
आज़ादी दी जदों फिर आई लोई
मुक्केआ नकास ओह सती होई
डुग्गर ज्ञान दा दरिया ओह सुक्की गेआ
मां-बोली दा हस्ताक्षर इतिहास चा गुम्मी गेआ
लिपियें चा ओह् ही लौह्की जेही लिपि।
—————————————————
