पीर बसेरा

मनै मेरे इक नेहा बसेरा
जित्थें लाया पीरै डेरा
चावें-चावें गऱलियें-गऱलियें
पांदा जाए हिरखी फेरा।

उस्सी में दिक्खां, गल्ल करां
मनै दी गल्ल उस्सी सनांऽ
नांह् उऱदी च राह् मिलै
हां च जिमीं-गास हिल्लै।

मनै दा चैन, मनै दा रोग
दूर नठावै भ्रम-फरेब
इत्थें तुप्पां, उत्थें पां
कोई देवी, कोई देव।

सच्चा पीर पैदायशी फकीर
शदाई कुसै पासे दा
बनियै फरयाद करै फरयाद
जानी-जान समझै गल्ल-बात।

चावें-चावें गऱली-गैह्‌ल
पांदा जाऽ हिरखी फेरा
मनै मेरे इक नेहा बसेरा
जित्थें लाया पीरै डेरा।
  ---------------------