पोशम पा, भइ पोशम पा केह् होआ, भइ केह् होआ? खेढदे- खेढदे छूह्न-छपाही घड़ी पता नेईं कु’न्न छपाई घड़ी छपाई जां कुसै फड़ाई इस्सी फड़ाई, उस्सी फड़ाई कुसै फड़ाई जां आपूं गुमाई चार-चबक्खी नजर दौड़ाई एह् कनेही खेचल पाई कैह्ली इन्नी खौधल मचाई घड़ी साढ़ी जिन्न छपाई वक्तै दी कैद उन्न बधाई मती होई गेई पुच्छ-पुछाई चल बचपनै च डुब्बियै बचपनै दिंयां बाह्मां थ’म्मियै तुपचै हस्सियै, मस्तियै पोशम पा, भइ पोशम पा केह् होआ, भइ केह् होआ? जो बी होग खरा गै होग जो बी होआ खरा गै होआ।
OUR AUTHORS
