फनाका

दुनियादारी थमां खंडोए दा
दनां-दनां भरमोए दा
ताजी ब्हाऊ दा इक फनाका
आई खड़ोता डुआठनी पर
खबरै कु’त्थुआं?
आई गे हरकत च
जंगाल लग्गे दे कब्जे
खु’ल्लेआ आखर
सदियें थमां बंद पेदा दरोआजा
मंद-मंद मुस्कांदा रेहा
दिखदा रेहा टिप्प लाइयै
नेईं लोआंघी डुआठन
बिजन साद्दै, ईना ने
बो सदियें दी हुम्म
समेटी उन्न
बाश्ना बखेरियां
हर सू उन्न
ते टुरदा होआ
सौंगल चाढ़ियै ।
दरोआजा फ्ही बंद
सदियें आस्तै ।

--.