किश नीं दिखदे होए बी दिखदियां रौंह्दियां न अक्खियां दिल-दमाके दे अंगने इच चलदी रौंह्दी ऐ निरंतर चुप्पिये दी विस्फोटक प्रक्रिया खिड़दे-झड़दे रौंह्दे न फुल्ल-पत्तर जैह्नी बगीचें च चेत्ते दियां खुशबोइयां भरी लैंह्दियां न कलाबे च करदा रौंह्दा शरीर लाडले गिल्लू आंह्गर शकैतां अपनी बे'गौरी दियां मौन, ब'रदी रौंह्दी निक्की-निक्की हिरखी रुनझुन गले दी फाही जन जीवनै दे द्वन्द्व ओह, हो.. किन्ना मुश्किल ऐ आराम करना.....। --------------------
OUR AUTHORS
