भंडो-भंडारिया किन्ना भार
इक्क मुट्ठ चुक्की लै, दूई त्यार
किन्नियां मुट॒ठियां किन्ना भार
जिन्नियां बी, चुकनै भंडो-भंडारीया त्यार।
इक शा इक शुभ भागें आह्ली मुट॒ठ
सज्जन दी सज्जन हिरखी मुट॒ठ
बनियै इक चिट्ठी एह् पढ़ांदी
बंद मुट॒ठ लक्ख दी खु’ल्ली मुट॒ठ
कक्ख दी।
एह् भलोकड़ मुट्॒ठ
भां त्रेहाई दी जां तरसाई दी
भां गिला करदी जां कमलाई दी
पर मती निग्गर, मती रज्जी दी।
इं’दा मान-मुल्ल हौल ठुआल
इं’दी बोल्ली गै मठास
अनमुल्ला नेहा मुट॒ठियां दा मुल्ल
बक्त-बे-बक्त इक जुट्ट भार बंडनै त्यार।
तां-बी किच्चर पुच्छना
जेकर पुच्छेआ तां आखदे किच्चर डरना
भंडो-भंडारिया जिन्ना बी भार
इक मुट॒ठ चुक्की लै, दूई त्यार।
