सोचें च शीरे ते भाव बतेह्
खरै मनुक्खै ई होआ ऐ केह् !
मिले मी जिन्ने, सब डौर-भौरे
फिरा दे बैतल, मड़ो, बेगौरे
बामरे जन गै बझोंदे न एह्
खरै मनुक्खै ई होआ ऐ केह् !
आपमुहारै चलन मुनमुनांदे
किश पोटें पर गिनदे-गिनांदे
होंदे जे पंज तां गिनदे न छेs
खरै मनुक्खै ई होआ ऐ केह् !
जदूं दे उड्डन लगे न शमानै
मन निं कुसै दा रेहा ठकानै
चलदे ओह् बत्ता किन्ने ‘री ढेs
खरै मनुक्खै ई होआ ऐ केह् !
भुल्ले जदूं दे संस्कार सारे
दिनें च ‘केसर’ लब्भा दे तारे
कुसै बी जोह्गे एह् लोक निं रेह्
खरै मनुक्खै ई होआ ऐ केह् !
मिलने दा चाs, ना हिरखी न बोल
अज्ज समां नेईं कुसै दे कोल
कु’त्थै जमान्ने न हिरखै दे गे
खरै मनुक्खै ई होआ ऐ केह् !
…
