मन चंचल ऐ

मन चंचल ऐ
उडदा फिरदा
नेईं समींदा
नेईं पतींदा
करदा अड़ियां
लांदा झड़ियां
एह्‌दे नै लग्गी दी रौह्‌न्नीं
राड़-बराड़ें करदी रौह्‌न्नीं
सोचां फ्ही
मन चंचल ऐ।
 
बौंह्‌दा फ्ही जाई
डाह्‌ल्ली-डाह्‌ल्ली
उडदा फिरदा टीह्‌सी-टीह्‌सी
दुनिया नै चांह्‌दा ऐ मिलना
दिखदा जिसलै छलदी दुनिया
लगदा खिंझन
मिगी खंझान
करदा रौंह्‌दा मी र्‌हान-परेशान
सोचां फ्ही
मन चंचल ऐ।

जद् दिक्खै मी निम्मोझान होंदा फ्ही एह् परेशान
गले नै लांदा, मी पतेआंदा
 
बनदा स्हारा
घड़ी टपदी
होंदा गुज़ारा
सोचां फ्ही
मन चंचल ऐ।
………………………………