बोल्ली दा संसार—
‘गेंदे का फूल’
आखदे सार
बनदी ऐ दमाकै च तस्वीर
इक चीजै दी
पीली गोल, बस्स ।
ते जे आखो ‘गुट्टे दा फुल्ल’
बेशक बनदी ऐ उऱऐ तस्वीर
पर कन्नै गै औंदा ऐ चेता
‘टिक्के’ पर गलै पेदा गुट्टे दा हार
गुट्टे दियां पौंखड़ियां पाइयै चन्नन दा घस्सना
ते होर बड़ा किश
होर बड़ा किश।
मां-बोल्ली दे इक अक्खरै च
लपटोए दा होंदा ऐ
भरा-भरोचा संसार
ओह् संसार
जेह्ड़ा डोगरी दे रोशनदान चा उतरेआ हा
मेरे बेह्ड़ै पैह्लो-पैह्ल
ओह् संसार
जेह्ड़ा डोगरी दे रोशनदान चा उतरेआ हा
मेरे बेह्ड़ै पैह्लो-पैह्ल
पैह्लो-पैह्ल ।
