सभनें शा होंदी ऐ नराली साढ़ी मां
लग्गन नेईं दिंदी धुप्प, दिंदी म्हेशा छां।
ञ्यानें लेई दिक्खो लोको, म्हेशा सोचा करदी
खतरे शा बी साढ़ी मां नेइयों कदें डरदी
मासा-हारी रुट्टी, आपूं खंदी ऐ मां
पर बच्चें दा ढिड, पूरा भरदी ऐ मां।
रीस नेईं कोई जिसदी होंदी, मां दी ममता जादू करदी
म्हेशा खुशियां बंडदी रौंह्दी, पीड़ पराई इ'यै हरदी
मां है धरती शा बी प्यारी, एह्दी ममता इ’न्नी न्यारी
फुल्लैं दी ऐ दिक्खो क्यारी, ञ्यानें उप्पर जंदी बारी
जीवन दित्ता असें गी जि’नैं, आओ उं'दा आदर करचै
मां दे मने गी दुख जे दित्ता, हरजाना फ्ही उसदा भरचै।
——————————————————————
