मेरै मनै अंदर कुन्न एह्
जिस्सी अ’ऊं तुप्पनी
कदें अपने अंदर ते कदें बाह्र।
जित्थै तगर मेरी नज़र जन्दी
अ’ऊं दिक्खनी उस्सी गै हर जरे च
ओह् हर जरा मिगी
करदा प्ररेत उस
अपार शक्ति तगर पुज्जने आस्तै
ते मनै इच्च उसदा
सिमरन अपने आप गै होई जंदा।
उ’आं उस्सी पता एह्
अ’ऊं कुत्थै गलत आं
ते कुत्थै स्हेई
पर उस्स मेरा साथ निं छुडिया
शैद, इस करी अपने दिलै दा बुआल बी
ओह्दे अग्गै गै कढ्डी लैनी
अक्खियें दे अत्थरुं पूंझनी ते
फ्ही शान्त बी होई जन्नी
इक सुकून जि’यां मसूस होंदा
जिसलै ओह् चुपचाप मेरे सारे
गिले-शिकबे सुनदा ते फ्ही बी
बोले वगैर मेरी सारियां गल्लां मनदा।
उस्सी गै अपने आसै-पासै
मसूस करदे होई अ’ऊं
अपने-आपै गी सुआल पुच्छी लैनी
केह् मेरे अंदर कुन्न ऐ
अवाज़ इक गै सनोंदी मेरी रूह गी
निराकार निराकार बस्स निराकार।
————————————-
